EJV-Jodlerfest in Aarau 16. Juni - 19. Juni 2005


"Aarau, zämestoh und jutze"

Das isch s'Motto vom 26. Eidg. Jodlerfescht in Aarau gsi.


Mir hei üs am Fritig am Obe vor dr Turnhalle Schanzmättli in Aarau troffe.


Alli si es bitzli nervös gsi...



Mir hei igsunge... üs bereit gschtellt... z'Glöggli het glütet... u scho isch es losgange...


Mit em Lied "uf em Heiwäg" vom Jean Clemancon hei mer wölle es "sehr guet" hole...


Wes nach de Zueschouer wär gange, hätt mer das ou übercho...


Sogar "Zugabe" hei mer ghört...

 






Nach em Vortrag si mer de go feschte...

 

 

 

 

 

Mir hei u der Plousch gha...


Eis Liedli nach em angere...

 

 

 

 

 


Sogar "üses" Keiser-Chörli isch derbi gsi...

 

 

 

 

 

 

Mier hei gfeschtet bis i alli Nacht ine...

 

 

 

Eso isch es drü Täg gange... immer wider es Jützi... hie... u...da... es isch richtig schön gsi...


Wo mer gsunge hei isch sofort immer Schtimmig uf cho...


Mier hei viu nöii Lüt lehre kenne...

 

 

 


Aber so langsam simmer müed worde...


Jede het sich ufs "Schnarchi" gfreut...

 

 

 

 


Mit em Zug oder mit em Auto si mer hei uf Buebedorf...

 

 

 

 

Übrigens üse David... isch mängisch scho chli e Pächvogel...


Es het nid mängs Loch gha in Aarau....aber dört wos gha het... isch är inegfloge...

 

 

Am Sunntig si mer vo dr ganze Gmeind Buebedorf empfange worde.

Dr Gmeindspräsident Erwin Müller,

dr Musikverein, d'Tamboure & Pfiffer,

ds Frouetrachtechörli Murehölzli,

dr gmischti Chor Föifliebertal u di ganzi Dorfbevölkerig hei üs willkomme gheisse...


... e rüehrende Moment...

 

 




jetzt hei mier natürlich no einisch üses Wettlied dörfe singe...

 

 

 

 

 

Das hei mier natürlich sehr gärn gmacht... ou wenn üsi Stimme nümme so rein hei klunge...

 

U jetzt sägi euch no öppis...


Es isch es wunderschöns Feschtli gsi.


 


Allne "Neue" möchti ganz ganz härzlich zu ihrem erschte Fescht gratuliere

 


 


I bi u stolz uf euch...


mir mache wyter...

Walter

Download
Die 10 Gebote im heimatlichen Halbrund
Die_10_Gebote.pdf
Adobe Acrobat Dokument 18.0 KB