Gästebuch

Ins Gästebuch eintragen

Ernst B. Darnuzer	24-06-2010 15:11
Liebi Wildesteiner-Jodler Scho bim Zueloose in Laufe het mir eure Vortrag bsunders guet gfalle. Ihr händ mit eurem tolle Chorklang zu Rächt d'Beschtnote "1" verdient! Härzligi Gratulation. Ich wünsch euch allne tolli Summerdääg. Liebi Griess vom Ärnscht

Robert Haldemann	15-06-2010 07:10
Liebi Froue u Manne vom Jodlerchörli Wildenstei, zu Euem "sehr guet" gratuliere mir ganz härzlech, äbeso em Duett, Terzett u Eure tolle Dirigänti. Machet wyter so.Mir sy stolz uf Euch. Liebi Grüess Anneli und Robert us em Bärnbiet

Beatrice Beerli

14-06-2010 19:00

Hallo mini Liebe! Syt äm Jänner 2010 bi ich Euri Dirigäntin, und dörf so öppis tolls mit Euch erläbe. Gsender, es isch nüt unmöglich we me flissig isch. In so churzer Zyt ä söttigs Ergäbnis, bi so stolz uf Euch! Ich schaff wahnsinnig gärn mit Euch zäme. Ihr wüssed, i ha rächt zögeret wieder ä Funktion als Dirigäntin z'übernäh, ihr händ mi mit Eurer Art, Eurem Fliss vom Gägeteil überzügt. Danke für Euer Vertraue, und uf wyteri schöni Schtunde und gueti Zämearbet!!! Euri Dirigäntin Beatrice

Stephan Haldemann	13-06-2010 19:57
Liebi Buebedörfler I gratuliere Euch zu all dene "Sehr gut", wo Dihr z'Laufe het chönne iiheimse: Em Duett, em Terzett u ganz bsunders em Chörli mitsamt dr motivierende Dirigäntin. Eui "Bärgblueme" hei mer also sehr guet gfalle, dr Jutz vo dr 3. Schtrophe het mi so richtig vaterländisch tschuderet. Machet wyter eso, die iigschlagni Marschrichtig schtimmt. Liebi Jodlergrüess usem Bärnbiet.

Thomas Schöpfer	13-06-2010 17:57
Hallo zäme Zu Eurem tolle "EINS" in Laufe möcht ich Euch herzlich gratuliere. Das isch super! Witerhi viel Erfolg! Thomas

Miriam Minder	13-06-2010 17:51
Aloha Kamerade und -inne! Härzlichi Gratulation für die hervorragendi Leistig. S het mi sehr gfreut, euch widermoll z gseh und z ghöre :-) Grüessli Miriam

Catherine Hauser	13-06-2010 14:11
Ich möcht euch härzlich gratuliere zu däm "Sehrguet" wo dir z'Laufe gmacht heit. Freut mi sehr. Gruess Catherine

Stephan Haldemann

19-04-2010 21:17

So, liebi Buebedorf-Jodlerinne u Jodler, de tueni doch die gueti Glägeheit o grad benütze, Euch öppis i Eues Gäschtebuech z'schriibe.
Sehr schön isch sie worde, Eui neui Homepage (isch ja de o öppe nötig gsy...) - es Kompliment a Toni Holdener.
Euch allne wünscheni geng "Guet Jutz!", gfröiti Schtunge und e wohltuendi Kameradschaft. Und Euere Präsidentin im Bsungere es guets Gschpüüri und e länge Schnuuf bim Schtüüre vom Vereinsschiffli!!

Monika Diethelm	19-04-2010 20:24
Die nöii, überarbeiteti Homepage isch fertig. Danke am Toni Holdener wo das für üs e so speditiv und schön gmacht het. I hoffe, dass Dir Fröid dra heit u so immer zNöischte über üses Chörli chöit erfahre. Itz heit Dir zletschte Wort: I fröie mi uf öii Iiträg i üses Gäschtebuech.

Toni Holdener	19-04-2010 13:16
Das neue Gästebuch ist eröffnet! Die alten Einträge befinden sich neu unter: Alte Einträge!

1-10 von 10